P800 kada plato kaon sa Kapitolyo gisaway ni Greg


02/26/2010 - CEBU, Philippines - Gikwestyon ni Bise Gob. Gregorio Sanchez ang kadako sa nagasto sa Kapitolyo sa pagkaon sa mga social gatherings niini nga mobalor og P800 matag plato nga isilbi sa mga bisita.
Matud pa ni Sanchez nga sobra ra kaayo kamahal ang gasto sa Kapitolyo sa pagkaon sa mga bisita sa mga kalihukan niini tungod kay may daghang mga kabus nga mga Sugbuanon sa kalungsuran nga nanginahanglan og tabang kay di makapalit og disenteng pagkaon katulo sa usa ka adlaw.
Apan si Capitol Consultant on Information Rory Jon Sepulveda nipakagamay lamang sa gilabay nga isyu ni Sanchez pinaagi sa pag-ingon nga wala nay laing nakitang isyu ang bise gobernador batok sa gobernador.
Sumala pa ni Sepulveda nga ang tanang mga gasto sa Kapitolyo sa pagkaon sa mga bisita sa social gatherings gipaubos sa makuting pagsusi sa Commission on Audit.
Si Sepulveda miingon nga sukad sa paglingkod ni Gob. Gwendolyn Garcia ang COA wala gyud mokomentaryo sa ilang audit report nga nanghinobra ang gastos sa buhatan sa gobernadora alang sa pagkaon sa mga kalihukan niini.
Dugang pa ni Sepulveda nga may laing katuyoan ang mga social gatherings sa Kapitolyo ug usa na niini mao ang pag-promote sa lalawigan sa mga inilang mga dinapit nga mga bisita (Banat News)

2 comments:

imelda said...

waah this is just so extravagant spending.kadako sa kickback oi

Anonymous said...

korek ka dyan! hehehe...

Post a Comment